Mézami dopi mwin la gingn mon konéssans - troi katran konmsa - mwin la pèr l’oraz pars pou mwin li anonss pa dé bone shoz : kissoi in gro plui, kissoi gro-gro zéklèr, kissoi ankor kan loraz i tonb tou sinploman épiin for kouran i bate lo moune atèr.

Mi rapèl bien, in zour mwin lété an shanjman d’èr, la plène dé Palmiss, loraz la tonbé dèyèr la kaz é la fouye in bèl trou, é mwin na in frèr la pran lo shok dan la zanb épi li téi kri : « Mon zanb la kassé, mon zanb la kassé ». Kék tan apré li la komanss gingn in séptissémi é sonkor l’abouti par plass. Donk sé dir azot si mi garde bon souvnir sète afèr i apèl l’oraz.

Alé ! mi kite azot ramass zot souvnir loraz éni artriouv pli d’van, sipétadyé.

Justin