Mézami i paré dovan in vil grèke, l’avé in drol de zanimo mitolozik téi gardien baro : lo Sfinks ! Kan wi ariv lo oz aou in dovinaye é i wi trouv pa li tyé aou. Sé konmsa k’in zour Œdipe l’arive dovan la vil é lo zanimo la poz ali késtyon lé mark é an-o la. Oedipe oi koné li lé dann danzé : kissoi li réponde bien, i lès sali passé ; kissoi li réponde mal é lo zanimo i tyé ali. Mé noute éro la pa tyé kouyon pou pran son plass épi li la di : Sé l’om. Zanfan tann lo matin li marsh kate pate, adilt li marsh d¨s dé, é lo soir li lé oblizé apiye dsi in baton é sa i fé troi. La lézand i di ké lo sfinx la zète ali o tan ba dopi in bèl rosh ziska dann la mèr é li la fini avèk la vi. D’ote i di li la tyé ali pars li té fatigué tyé d’moun ; d’ote i di ankor d’ote zafèr. Mé zot, zot i p fé marsh zote koko pou rofléshi la dsi. An atandan ni rotrouv somenn proshène pou in nouvo dovinaye. Alé ! ni artrouv.

Justin