Mi di in l’otorité mé mi koné bien lo mo i konvien pa é lo mo k’i konvien i dépann nout rolijyon, sansa nout kroiyanss, dizon nout pratik. In pé i mète l’afèr dann la min la vyèrz noir pars zot na konfyanss dan èl. D’ote i sava ziska domann lo sin-éspri pou ède azot. Bann déssandan malbar i sava dovan zot shapèl pou domann sokour inn an parmi zot Bondyé. Antouléka sak lé sirésèrtin sé k’ zot i rode in protékssion.

A ! Biensir néna in pé i kroi pa arien. In pé i di mèm zot lé até. Zot lé até mé promyé kou d’kongn zot i gagn zot i sava mète ll’afèr dan la min in bon léspri. Sa lé imin sa ! Kan ou na pwin arien pou boush out shomin wi fé lo brav, wi fé lo fyèr mé promyé kanikrosh wi kriye tir.

Sa i marsh, sa i marsh paa ? Antouléka kan wi lir lo bann plak romèrssiman kissoi la vyèrz noir, kissoi la shapèl sin-éspédi wi pé panss sa i marsh. Antouléka sa i fé parti nout kiltir épi nout kiltyèl é sa lékonsa dopidé zénérassion é dé zénérassion.

Alé ! mi kite azot rofléshi la dsi é ni retrouv pli dvan, sipétadyé.

Justin