Oté

« Gran prométèr pti donèr »

In kozman pou la rout

Justin / 5 out 2020

JPEG - 43.6 ko

Médam zé Mésyé, la sosyété, koz èk moin sé koz èk in kouyon. Mé sé o pyé d’lo mir k’i oi lo vré mason. Mézami, mi pans zot i koné provèrb-la, mé si zot i koné pa, sirman zot i koné demoun lé konmsa. In zour, in moun la di avèk moin, néna désèrtin si i promète aou in n’afèr, pran toutsuit pars aprésa ou lé pa sir gagné. Poukoi sa ? Pars, néna d’moun i promète fasilman, mé pou doné koko, aspèr touzour, fyé pa tro. Pras firamézir lo tan i pass la pèrsone i trouv èl i fé in tro gran sakrifis é i èl i réviz son promèss a la bèss. Pa arienk avèk demoun i fé sa, tazantan i fé osi avèk Bondyé. I di « promèss sé dète » mé pou in pé sa lé pa vré ! I di osi : « Sak i pèye son dète i vien pli rish ! » mé in pé va di azot larzan dan mon posh lé myé plasé ké dan la posh mon kamarad. Alé ! Mi kite azot rofléshi la dsi é ni artrouv pli d’van. Sipétadyé.