Mézami, zot i koné grélé, moin lé sir, souvan dé foi i antann alia pré shant dann in trou d’rosh. Ou i pé kroir, vi k’i antann ali dopi asé loin li lé pli gro k’sa : in pti bébète konm moin la mark an-o la, i tienbo dann in bout la min. Antansyon, alon pa konfonn ali avèk sigal pars sigal i kriy pli for k’li, i fo pa konfann ali avèk in griyon pars sète-la osi i kriy for mé an rézonn son grosèr mi pans grélé i fé antann ali an rézon. Astèr sa in provèrb, é kosa li vé dir : pou moin li vé dir, la pa pars ou lé pti, ou lé pa kapab fé antann aou. Ou lé bien kapab sirtou si ou i pran out kouraz dann out dê min. Alé ! mi kite azot rofléshi la dsi é ni artrouv pli d’van. Sipétadyé.