Na bonpé kaniki la kozé, la malparlé, mé tourn kom zot i vé : la Route des Tamarin lé...an route !
Promié foi dan’ nout listoir i fé in route kom sa ek in takon gran pon. la rézion la mète an plas ek do partnère la formasion pou ban’ Rényoné i giygn travay su shantié la.
So route la, i kout pa sin fran. An plis ke sa, apré sa, na ankor la route an kounis ek lo tram-train. Pou nou, sé in moyen dévelopman. mé pou désertin sé in gro gato i fo zot i gagne zot par, é si posib, lo pli gro morso.
Lintéré zot vant i pass avan lintéré La Rényon é Kosa nou voi ? Kan lo morso i pas sou zot né, kan sé in ot i gying, a la pa zot gro kèr i lève.

Justin