Na dézour poisson i bèk, na dé zour poisson i bèk pa. Béké ? Sé kan poisson i sava mord l’apa dsi lo zin. Mé la pa tou lé zour poisson i bèk. Kan la mèr lé fré li la pa fain é l’èrla kont pa dsi li pou béké. A moins ké li lé goiman vèy pa koman. I iariv dé foi sé bann ti guiguine i bèk é sak i vo son kou d’zin li lé pa la, li bèk pa. Mé konm la pasyans i guéri la gal, afors ète pasyan i ariv in l’èr in gro poisson i bèk é l’èrla ou lé kontan vèye pa koman. Sa sé lo sans prop mél o sans figiré sé kosa ? Sé kan ou i fé inn priz valab. Pa poisson forséman, mé d’ot shoz konm in bon travaye, konm trap in volèr, konm fé in bon n’afèr, sansa fé in bon biznèss. Mi éspèr zot i suiv amoin é sirtou ké ni artrouv pli d’van siplétadyé.