Mézami kozman-la mi koné dopi lontan. Sa sé in kozman demoune i di kan afors atann i oi pa lo rézilta arivé. Mé afors atann souvan défoi wi lèss oute lokazion passé épi rézilta, wi garde dann trou.

Mi souvien tré bien in fab lo gran Lafontaine téi di konmsa afors atann, atann é atann ankor in zoizo lo Héron, té blizé kontante ali avèk in pti limass pou pa dor vante vide. Mé zot i konpran bien inn sé lo kontrèr d’lote : soi wi profite promyé lokazion i ariv, soi wi atann pou gingn pli myé, mé lé dé lé possib.

Alé ! Mi kite azot rofléshi la dsi é zot i fé zot shoi azot mèm. Dan la vi é ni rotrouv pli d’van, sipétadyé.

Justin