Souvan mi di kozman-la, mé kék foi mi domann amoin kosa sa i vé dir pou vréman. Si li vé dir sak demoun i kroi sansa si li vé dir in n’ot afèr. Kosa li vé dir solon désèrtin ? Li vé dir lo rézilta lé pa touzour sak ou i atann-in gro ta d’boi épi in pti ta la sand. Dizon mé moin lé a d’mandé si sé sa lo rézilta ou l’apré rodé. Si ou i bril do boi, pétète sé pou kui manzé, sansa pou shof aou in pé dan la fré. Donk lo rézilta la-dan, sé kosa ? Lo rézilta sé lo manzé kui, sansa lo shofaj out boukan l’èr ou l’apré shass tang, i pé z’ète osi la sand pou mète dann plantasyon épi pou shass bann fourmi, malorèzman osi lo kantité gaz karbonik ou i fane dann l’atmosfèr… Antansyon, la pa pou fash avèk l’am mon bann z’ansète mi di sa, lé solman pou dir in kozman la pa in vérité syantifik mé zis in l’okazyon, souvan dé foi, pou fé bate in pé la lang é pou réfléshi. Alé ! Ni artrouv pli d’van sipétadyé.