In kozman konmsa lé fasil pou konprann. Mi vé dir dann son sans figiré . Kosa sa i vé dir ozis ? Sa i vé dir, i fo pa sèy fèr sak ou i gingn pa fèr. Sa i arsanm lo kozman an fransé : « Shakinn son métyé…é bann vash sar bien gardé ». Donk si ou i gingn pa fé in n’afèr, la pa bézoin mayé, n’a d’ot lé pli kapab ké ou pars zot lé kalkilé pou fé sa. Ni koné z’abèy i fé do myèl, la pa gèp ! Kosa zot i anpans ? Arien ditou ? ! Fé travay z’ot koko ! Fé bouy z’ot matyèr griz ! Zot va oir, ké rant-rant, ni pé z’ète dakor, tazantan, rantre nou.