Na poin arien pli vré ksa, touléka pou l’instan. Pars zot i koné, konm di lo kont, i arète pa lo progré. Sak ou lé sir zordi, ou lé riskab an avoir la doutanss domin. Astèr kosa sa i vé dir pou vréman ? Sa i vé dir, shakinn nana son kapasité é inn i pran pa la plas l’ot pou fé kékshoz. Konm i di dann bann fab : shakinn son métyé é lé vash sar bien gardé... Kosa zot i anpans de sa ? Arien ditou ? Fé travay z’ot koko ! Fé bouy z’ot matyèr griz ! Zot va oir ké rant-rant, ni pé z’ète, tazantan, dakor rantre nou.