Mésyé, Médam, La Sosyété, koz èk moin sé koz èk in kouyon, mé sé o pyé d’lo mir k’i oi lo bon mason. Nout voiyaz an provèrb dann l’Afrik i amenn anou zordi dann Togo, in Répiblik l’Afrik dé l’ouès, avèk plis présizyon dann péi Bassar - in vil dann nor lo péi bien koni pars dann tan lontan téi travaye déza lo fèr. Provèrb-la i rapèl in pé provèrb fransé ki di konmsa : sak i antan in klosh i antan arienk in son. Sa i vé dir i fo pa ou i done in shèk an blan si ou antan la vèrsion in sèl pèrsone kozé, sansa si ou i antan pa lo dé parti dann in pèlmélaz. Alé ! Mi kite azot rofléshi la dsi é ni artrouv pli d’van. Sipétadyé.