Sa lé bien vré, sans prop konm sans figiré. Sans prop la pa bézoin diskite ziska l’infini.

Mé sans figiré ? Mi oi in sans : si ou i vé fé kékshoz i fo ou na lo bon zoutiy. Dézyèm z’afèr mi oi sé si ou i vé fé kékshoz i fo ou i donn aou lo moiyin nésésèr. In romark kant mèm, mèm si out z’outiy la pa sak i fo, ou i pé kant mèm sèye ansèrv ali lo myé ké ou i pé. Zordi ni romark dé foi lo z’outiy i fé pli d’tor dann tan ké d’bien. In l’égzanp ? Bann gro shari i défons la tèr, i vir sa dovan déyèr, épi i fo mète sépa konbien l’angré pou an avoir in bon rékolt.

Donk alon méfyé : la pa tout sak provèrb i di ké sé la vérité san pour san. Dé foi i fo fé la par dé shoz.