In kozman pou la rout

« I anbar pa la mèr èk in boushon n’paye ! »

23 mé 2016, sanm Justin

Mi pans, konm moin, zot i konpran a popré kosa sa i vé dir. In boushon n’paye i pé kal in pti kouran d’lo mé biensir li pé pa fé arien pou anpèsh la mèr avansé.

Romark nora été in bon n’afèr si té i pé fé kékshoz kont in ra d’maré, otroman in tsunami, avèk in pti moiyin i kout pa shèr. Pars lo provèrb i poz lo problèm lo moiyin adapté avèk lo rézilta ou i rod an avoir. Dann la lang fransé nana in provèrb k’i di a popré lo mèm z’afèr : « Vid la mèr avèk in dé pou koud ». Sa i doi pa z’ète fasil mèm kaziman inposib. Kan ou i vé fé kékshoz i fo garanti si ou na lo poiyin-lé pli rézonab fèr konmsa, ké sèy trap la line avèk out dan.

Ala sak moin pèrsonèl mi mazine é mi pans moin la pa tousèl dann in ka konmsa.


Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus