I parétré sa sé in kozman bann saz péi Touareg, so bann moun i vativien dann dézèr é i poz pa lontan dann okin l’androi d’apré sak i paré. Dopi in bon koup de tan moin l’apré fé travaye mon kokok dsi provèrb la, san konprann lo sans pou vréman. Pétète pars moin lé pa touareg é sa i fé parti z’ot kultur. Mé si mi réfléshi bien, mi pé dir, in mové nouvèl-pyé d’boi kan i tonm-tout demoun lé o kouran, mé in bon nouvèl-bann plant apré pousé, la natir apré roviv - sa demoun i antan pa. Sansa i fé pa antansyon konm kékshoz normal. Mé si in zour ni antan pi bann bon nouvèl, si in zour ni antan pi lo mond apré rofé, zour-la sar in mové zour pou nou. Mi pans sé sa bann saz touareg i vé dir anou. Alé ! Mi lèss azot rofléshi la dsi é ni artrouv pli d’van. Sipétadyé !