Médam zé Mésyé kozman moin la mark an-o la, lé vré pou vréman : kisa lé kapab antann in foré pousé ? Pèrsone d’apré moin. Mé in pyé d’boi kan li tonm, i antan ali, pars li fé bonpé dézord. Poitan kèl lé pli inportan : lo tonbé in sèl pyé d’boi, sansa lo pousé in gran foré ? Fransh v érité lo pli inportan sé lo poussé d’in foré kan li pouss ? Alors kosa sa i vé dir : dabord ni pé dir, sak lé spéktakilèr, la pa forséman sak lé pli inportan. Sak i fé dézord lé pa forséman sak i port l’avnir. I di pa rozoir vid i fé b onpé dézord ? Rozoir plin kan ou I port ali, li fé in brui mé moins ké si li lété vid. Parèye kan dé moun i koz : sak i di dé shoz inportan la pa sak i irl, mé sak i défann son l’argimantasyon pazapa, san kriyé, mé étan lo pli konplé posib. Alé ! Mi kite azot rofléshi la dsi é ni artrouv pli d’van. Sipétadyé