Médam zé Méssyé la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami mi panss mwin la fine anparl azot kozman-la ;lé possib mwin la fine dir azot dé foi i antande lo mèm zafèr mé otroman. Par égzanp : « I ashète pa koshon dann goni ». Kissoi in sak, kissoi in gouni, toute fasson i oi pa bien kossa néna anndan

In zoli , in vilin shate ? In zoli , in vilin koshon ? Toute fasson sa i vé dir wi fé in l’opérassion é wi koné pa si sé in bon sansa in mové lopérassion. Toute fasson si wi fé zopérassion konmsa , ou lé riskab d’ète pèrdan.

Alé ! Sé azot pou déssidé é ni artrouv pli d’van, sipétadyé.