Mé wala si wi mète aou di koté d’la pérsone k ‘i ashète i fo wi poz aou késtyon. Par égzanp i fo wi domann aou si lo pti koshon téi apartien pa inn porté l’avé trap la maladi. Pars si sé sa, movèz shans pou ou pars talèr wi mète ou mèm la maladi dann out lélvaz, sansa wi ashté in pti koshon la pankor sovré é koman wi sar grandi sa. Mission inpossib !

Astèr si ni arète parl pti koshon dann goni, é si ni anparl sinploman bann viss kashé d’in zanimo, d’in mèb, d’in vézikil pa d’shanss pou ou pars olèrk an avoir in marshandiz bon kalité, wi ashté in kékshoz mal fouti é la viktime lé riskab d’ète ou.

Alé ! Mi kite azot roflèshir la dsi é ni retrouv pli dvan, sipétadyé.

Justin