Témoignages - Journal fondé le 5 mai 1944
par le Dr Raymond Vergès

Lakey lo sit > Chroniques > Oté

« I ashté pa koshon dann gouni »

In kozman pou la route

zedi 18 novanm 2021, sanm Justin

Médame zé Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami, mi panss mwin la fine anparl azot kozman mwin la mark an-o la. Mé inn foi an pliss la pa inn foi an tro : konbien foi nou l’aprann téorème Pitagor avan konète ali bien mèm… La pa pou farssé, mé kozman ni sorte oir zordi lé inportan konm règ do vi. Wi ashète in pti koshon dann gouni san rogardé é ki k’i di aou si lé pa ladre, sansa si son dan la pa kassé osinonsa si li la poin in viin défo ! Dan la vi mézami, i fo pa trète in n’afèr a la lézère : si wi bate lo zyé, d’ote i tire malol. Sé pou sa i fo porte antansion sak wi fé. Tourne sète foi dann oute boush avan kozé ! Tourne plizyèr foi oute éstilo rante oute doi avan mète oute signatir. Zot i panss pa in boug konm Didier Robert l’avé bénéfiss bien konète noute kozman é bien aplike ali : li noré pa été dsi la toush zordi, é sak i vien apré li noré pa tonbe dann larozoir konmsa.

Alé ! Mi kite azot rofléshi la dsi é ni artrouv pli d’van. Sipétadyé.



Inn modékri, inn ti lavi, inn komantèr ?

signaler contenu


Facebook Twitter Linkedin Google plus