Dans tèratèr mi mazine zot i koné sansa zot la antann parlé avèk in l’ansien. Pou dans séga tèratèr i fo ou i nyabou désann dsi la zanm, désann épi romonté. Pou fé sa i fo ou néna la souplèss pou dsann é lo rosor ponu armonté, épi i fo pa out misk lé fatigé épi out kab d nèr lé fine éfiloshé. Arzout èk sa, kan ou i ariv atèr i fo gingn sote-soté pou fé dé troi ron lo dé kavalyé ansanm avèk sèl soutien lo dé min out partnèr. Sé pou dir azot si sa la pa difisil ! L’èrla si ou néna a lo rématismal pé sfèr ou i dsann épi ou i gingn pi romonté, pé sfèr kan i ariv pou sote-soté ou i gingn pi. Mazine in kou si ou i tonm atèr dsi out korpyon ! Konm in moun té i di rématis sa i n mové maladi, sirtou lo mal. Alé ! Mi lèss azot rofléshi in pé si parébzanp dan la vi zot i sèye fé in n’afèr lé pa z’ot porté. Tansyon pangar ! Malèr pou lo kor ! Malèr pou la konsidérasyonn moun an parmi ! Ni artrouv pli d’van. Sipétadyé !