In moman oui di i vo ankor la pinn, dé zour avan zéléksyon ?
Oui ézit ; mé koué va fé ; kan i ardi a toué i done dokiman o kont- gout ; ti pran ton mal an pasians é ti sava ; na osi bann zafis, bann gran zafis, sak i mèt si pano éléktoro (an fransé) ; an minm tan ! Pran ankor inn trantinn, o ka ou do moun mal intansioné la fine aras lé vot, vi ar mèt, « la pasians i géri la gal ! »
Kat san déplian norasé ?

Ti kroi tout domoun i koné i sar voté dimans ?
Zot i koné na la fèt dé mèr ; mé voté ? Kél voté ? Eropéène ?
Riink po anons a zot : « dimans obli pa alé voté », sé déza in nafèr i vo la pinn.
Aprè, ou na lo plézir koz ék domoun : sak ti koné ék sak ti koné pa !
Na osi bann adversèr ; bann la fine èt tèt de lis po lé minisipal i viinn pasé ; ék zinterlokitèr do soi konm sa, toué na in not tip dialog : « mon kandida lavé di li va kontakté bann tit liss o minisipal ; la kontak a ou ?
- Oui ou non, mé sirtou ; a mi koné a lu bien ».
Na osi i réponn a ou : « sa i é, moin la fine pran mon désizion ».
Ou bien : « vot pokoué ? I ser a rien !
Mi ar razout : « ankor si i sar di a toué, ék moin ti péyra pi zinpo !? »
Sa, sé po fé ri la bous.
Lot : « mi vot po toué moin ; mi koné a toué ».
Si non : « sa lé inportan, sa lé pli inportan minisipal, kantonal, rézional… »
Donk ou giny in bon pou (=pouls) dla sitiasyon.

A moin la mèt a moin délégé, sa sé bien ; sof, san moyin dtranspor ; na war koman isar tourné,
Falé done a moin loto ék sofèr, moin noré té pli kontan ! Moin noré mèt mon kravat ! Mi té asiz dérièr ?!
Labi i fé pa lo moine ?
I di a toué vien trap déplian ton kandida ! Po marsé forin !

Justin