Mézami, souvan dé foi, dann télé néna sobatkoze rante demoun i panss pa mèm manyèr dsu in zizé é sak i étone amwin touzour sé pa lo pli intélizan, lo pli vèrssé dann la késtyon, sak i konpran lo myé lo problème, k’i done lo méyèr inpréssyon dann déba. An kontrèr i ariv mèm ké sak i gingn rézon avèk demoune sé lo pli détèrminé, san z’ète bonpé o kouran d’la késtyon.

Dann lo pandémi, souvan téi mète fass-a-fass, in gran doktèr épidémyolozis, avèk in sinp polémist pli abil pou manyé fake-news ké pou zot syanss épi zot nivo l’informassyon. Momandoné wi san la fatig dann la voi lo gran doktèr, épi la viktoir dan la voi l’ignoran... Sé pou sa, mi panss tazantan i fo lèss lo kouyon kozé é sirtou pa drèss kabaré avèk li.

Alé ! Mi kite azot bien rofléshi la dsu é ni rotrouv plu d’van. Sipétadyé.