Oté

« I diskite pa avèk in kouyon, i done ali rézon »

In kozman pou la rout

Justin / 3 out 2020

JPEG - 43.6 ko

Mésyé zé Médam, la sosyété, koz èk moin sé koz èk in kouyon, mé sé o pyé d’lo mir k’i oi lo vré mason. Mézami, moin lé sir, dopi mi fé légzèrsis konmsa dann Témoignages, donk dopi mars 2014, moin la fine anparl provèrb-la. Pou koué in nouvèl foi ? Poukoué in dézyèm, sansa in troizyèm foi ? Sirman pars mi yèm pa la ras kouyon épi tazantan i fo rapèl demoun in kozman : zot i koné déza, moin osi, mé la pa pou sa nou va priv anou in pti plézir konmsa. Fransh vérité, la ras kouyon i roprodui san aré é anplis li pèrféksyone ali dan la kouyonis é li gagn an léspèryans. Si tèlman, si ou i apartien pa la ras koyon, li ramenn aou son otèr, son nivo, é avèk léspèryans li néna ou lé batu d’avans. Ou i sava diskite son poinnvizé ? Pène pèrdi. Ou i fé apèl son lintélizans ? I ansèrv a rien. Alé ! Mi kite azot rofléshi la di é ni artrouv pli d’van. Sipétadyé.