Oté

« I done in plas pou rakokiyé, ala ké li rode alonzé »

In kozman pou la rout

Justin / 22 désanm 2018

JPEG - 43.6 ko

Dizon sa i vé dir a popré : i done in pyé i pran in karo. An parlann pyé épi d’karo, mi souvien in zistoir la spassé pou vréman. Konm siklone téi ariv é konm bann zoinalyé l’avé poin granshoz pou manzé in gramoun moin té i koné bien l’avé done in pti bazar bann zoinalyé épi la done azot galman in pyé manyok. In ga té apèl Polin, li l’avé gingn in pti bazar épi dé pyé maniok pou li zète in èye dsi bann zanimo. Polin bien kontan la komans par invite son bann kamarad pou zoué kart lo soir, épi la di : nou va fé in bouyé manyok é inn rant zot v’amène do sik, moin mi done la matyèr promyèr.,. Siklone la tourn otour la Rényon omoins ui zour é kan solèye la pran lo déssi, lo gramoun la désid alé vizite in pé son bitasyon. Sirpriz, sirpriz ! Lo bann pyé maniok lété dobout, mé lo bann manyok lété fine délojé, kaziman désouné. Sé dir azot si lo gramoun lété an kolèr, sé dir azot si Polin la pa gingn arienk konpliman pou in bone rézon : la done ali in pyé-mèm dé !-, li la pran in karo. Alé ! Mi kite azot rofléshi la dsi é ni artrouv pli d’van. Sipétadyé !