Romark anou bien ! koshon i manjré é san rogard lo pri provi k’sa i flate son palé. Mé an nou mèm, ni done ali son soso.ni fé ansort li pran la grossèr, lo miskilatir, la grèss é pou sa la pa bézoin konm i di i done ali zortolan, kavyar, konfitir.

Koshon néna son manzé konm poul na son manjé, bèf ossi néna la syène é sé pou sa pou son bien konm pou lé n’ote, ni prépar son rassion.

O fète ! si mi di azot étan pti téi prépar manjé koshon é dann manjé-la l’avé patate é patate-la sé in n’afèr téi ral anou é nou téi ansèrv anou dann son marmite.étan marmaye pou nou sa lété in nouritir dé roi é an kashète léparan nou téi sèrv anou gratuitman.

An déor d’zistoir marmaye, la vérité sé k’téi done koshon pliss lo réstan ké lo manzé par li mèm é lété konmsa la famiye téi gingn son moné.

Alé ! Mi kite azot rofléshir la dsi é ni retrouv pli dvan, sipétadyé.

Justin