Médam, Mésyé, La Sosyété, koz èk moin sé koz èk in kouyon, mé o pyé d’lo mir i oi lo mason. Kozman-la, néna in pé partou, dann tout péi, dann tout kiltir é dan tout lang. Pou kosa ? Pars bann zabizèr sa néna partou é pou réspèk lo kontra : tin-tin ! Dé foi désèrtin i di : « I done aou in plas pou rakokiyé é ou I dress la zanm ». Kan mi antan sa mi poz amoin késtyon : si ou I donn arienk in pyé, é si la pèrsone sé out zinvité, ou I trète pa li an zinvité ou la. Ou I trète ali konmsi pou ou li néna in éstatu dézyèm ran. Alor-ala mon poinn vizé-si ou déside bien akèye in moun, I fo ou i done li lo méyèr plas épi lo méyèr rol. Pou kosa ?Pars sansa ou I fé la sharité, mé ou i fé pa in lakèye égal-égal. Alé ! mi kite azot pou rofléshi la dsi é ni artrouv pli d’van. Sipétadyé !