Médam zé méssyé, la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami zot i koné fèye sonz, konm zot i koné la plime kanar, delo mèm lo la plui i mouye pa li si tèlman li lé luilé, inpèrméab par l’fète. Mé si zot i konpran bien, dann kozman-la ni parl, ni fèye sonz, ni plime kanar, ni parl la kapassité in moune pou pa santir léfé la préssyon, pa santir non pli léfé la kritik mèm lo ladi-lafé.

Si bonpé d’moune lé sansib bande zatak éstyèryèr, néna ossi sak lé pa sansib a sa, é zot i anvoye dingué, pars souvan défoi sé lo méyèr dé politik.

Alé ! Mi kite azot rofléshi la dsi é ni artrouv pli d’van. Sipétadyé.