Médam, Mésyé, La sosyété, koz èk moin sé koz èk in kouyon-sé o pyé d’lo mir k’i oi lo mason. Si mi di azot kozman moin la mark an-o la sa i bote amoin pou vréman. Pou kosa ? Pars sé in fasonn pou pran la vi plito par l’bon bout. Pars si ou i pran la vi konm in sak san kilo dsi zépol zot i konpran toutsuit sa sé in n’afèr bien difisil pou siporté. Mé si ou i pran la vi konm in sak plime, l’èrla ou va siport ali myé-Par l’fète zot i koné dann tan désèrtin bal do ri lété lour é pa pou plézanté. Si tèlman kan lo shinoi téi pous lo bal dsi son vant ziska lo késon rézèrvé pou li, l’avé touzour inn pou di : « Antansyon nou na rienk dë ! »-imour ! Mé si ou i pran la vi in pé a la lézèr, konm lo kan i koul dsi fèye sonz lé myé pou ou é lé myé galman pou l’moun ou néna a fèr avèk. Alé ! Mi kite azot pou rofléshi la dsi é ni artrouv pli d’van. Sipétadyé !