Zot i koné, dann tan demoun, sak i gagn, téi angrèss koshon. Sa lété konm in tirlir sa, pars téi ansèrv pou, konm i di, fèr fas lo bann zéshéans : kisoi pou pèye lo baye térin, kisoi pou fé in gro dépans kalkilé par avans. Dann tan, kan i tyé koshon-la, téi vann par morso, téi vann sosis, zandouy, boudin. Zot i koné, dann koshon tout lé bon ! Donk téi plas épi téi ramas larzan. Aprésa i tyé lo koshon é shak pèrsone i gingn sak li la komandé épi sak li la péyé. Antansyon bann brilèr ! Inn foi manzé, lo pri lé oubliyé é si ou i fé proférans pou inn, pou l’ot, out favèr lé riskab rotourn kont ou. La vyann manzé, lo pèyman obliyé. Alé ! Mi kite azot rofléshi la dsi é ni artrouv plid’van . Sipétadyé !