In kozman pou la rout

« I fé pa la boul konmsa avèk in moun »

10 zanvié 2020, sanm Justin

Mésyé, Médam, La sosyété koz èk moin sé koz èk in kouyon - mé sé o pyé d’lo mir k’i oi lo mason ! Kozman mi di azot zordi sé in kozman demoun i koné dopi lontan. Mé kosa i lé « fé la boul », é kosa i fé avèk in boul ? Ou i anvoye ali par isi par laba, ou i fé roul ali dann tout son dimansyon pars zot i koné la boul lé ron é li lé fasil pou roulé é roul in moun zot i koné bien kosa sa i vé dir, kisoi ou i vol son bien, kisoi ou i promète ali dé shoz é d’ot san tienbo zamé out promèss… Si ou i koné in moun sé in roulèr aprosh pa tro, pass o larj pars avèk in moun konmsa ou lé frite.konm mon papa téi di, dann tan li té ankor vivan : « Antansyon néna in pé i piss o li épi i roul lé zot dann pissa ! ». I di galman : konfyans la tyé son mètr. Alé ! Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année

La pès kabo

5 juillet, par Christian Fontaine

Kan i ariv Novanm-Désanm-Zanvié, domoun i réziste pi ek la salèr. Zène-zan i mars dann somin, zène-fi i roul an dékolté ; sétaki i rod in manir po (…)


+ Lus