Oté

« I fé pa pouss in flère kou d’fiziy, mé avèk lo bon soin »

In kozman pou la route

Justin / 3 avril 2021

JPEG - 43.6 ko

Médam, zé Méssyé, la sosyété, koz èk mwin sé koz èk in kouyon mé sé o pyé d’lo mir k’i oi lo masson. Mézami, provèrb afrikin mi sorte mark an-o la, sa in provèrb dsi l’édikasyon. In pé i panss in bon lédikasyon i pass par la kontrinte é pa par la libèrté. Dann mon vi mwin la konète in pé lé dé : néna sak l’avé lo tan é téi pran lo tan avèk nou pou fé nout lédikasyon, épi néna sak téi ménass pou soidizan obliz anou alé dann lo bon shomin. Mi doi dir azot o boudikonte, pèrsone néna la klé in bone édikasyon : toute bann métode i réissi, mé toute bann métode i échoué. Pou koué ? Pars souvan dé foi lédikasyon noute zanfan i fé san nou é kan ni pans sé nou k’lé a la barre, lé pa vré. Mi arète tèr-la, mé mi invite azot a bien rofléshir, a bien kalkilé pou trouv zot prop shomin pou la vérité. Alé ! Ni artrouv pli d’van. Sipétdyé.