In kozman po la rout

« I fé pa zomlète san kass do zèf »

20 novanm 2018, sanm Justin

Gran matin moin lété apré brouté dann zardin é moin téi antann bann zélékoptèr apré rondé in pé partou. Kosa, kisa zot téi rod ? Moin téi koné pa. Sèl zafèr moin téi antann in moun, son fénète rouvèr apré kriyé : Brilé ! Brilé ! Brilé ! In moun la dmann ali kosa li vé brilé, li la réponn : Tout ! Tout ! tout ! I fé pa zomlète san kass do zèf. L’èrla lo moun la di ali : sirtou si i kass lo zèf lé z’ot. Bandé an trann-sis lo boug la bate son fénète. Si tèlman for in fénète la dékroshé épi la déboul dann fon. Fini lo sékans, mé sak moin lé sir bononm-la la du gingn inn shof av-èk son madam. Sa la fé pans amoin, ou i pé z’ète ninport ousa, lakstyalité i rozoinn aou. Mi kite azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus