Mézami mi sorte lir dann in liv Antoine Sin-Exupéry, « lo Pti Prinss », lo kozman mwin la marke an-o la. Dann kozman-la, néna in roi é lo Roi i di sak mwin la mark an-o la, mé li arzoute kékshoz èk sa… Li domande : Kissa la fote si la perssone i gingn pa doné, sansa i i gingn pa fé é li réponde, la pa la fote la pèrssone mé la fote sète la domandé sansa done l’orde pou fé.

A bien kalkilé wala in bon in bon prinssip gouvèrnman : i fopa zamé domande in moune fèr in n’afèr li pé pa fé, sanssa done in n’afèr li pé pa doné é konsidèr li lé résponssab, alé oir li lé pa résponssab — lo résponssab, konm mi di azot é sak la done in orde lé inpossib pou égzékité sé li lo résponssab.

Inj pti légzanp : domande in poisson pou grinpe dsi in pyé d’boi, lo poisson i gingn pa donk li fé pa ébin kissa lé résponssab, pa lo poisson, mé sak la done l’ord — l’ord lé or-la-loi in poin sé tou.

Alé ! ni artrouv domin sipétadyé.

Justin

NB lé domaz bande gouvèrnman koméla i aplike pa bande prinssip lo pti Prinss i di k’i fo apliké. Nou bann sitoiyin nou noré té mwin anbarassé…