Oté

« I fo konète pèrde lo tan pou gingn lo tan »

In kozman pou la route

Justin / 20 séptanm 2021

JPEG - 43.6 ko

Médame, zé Méssyé, la sossyété koze èk mwin sé koze èk in kouyon mé sé o pyé d’lo mir k’i oi lo bon masson.

Mézami m’a dire azot in n’afèr é zot ossi zot i pé fé zot prope konstatassion par zot mèm… Souvan dé foi kan i done dépar pou alé in l’androi, sansa pou fé in parkour, néna déssèrtin i démar an tronbe, konmsi zot lé sire zot i sava ariv an promyé.

Zot i pran pa in tan pou kalkil koman zot i sava fère, si tèlman an débitan zot i pran lo dovan, mé ariv in momandoné zot i apèrssoi zot i patine in pé, é sak zot la distanss an débitan, i ratrape azot ti dousman-ti dousman. Parl pi si zot i pèrde shomin, pars la lé fouti. Lyèv la pa pèrde shomin pou son par, mé li la ropoze in pti pé si tèlman Tortu l’ariv an promyé. La onte pou lyèv, la gloire pou tortu.

Alé ! Mi kite azot rofléshi la dsi, é ni artrouv pli d’van. Sipétadyé.