In kozman pou la rout

« I fo mi, i ranpli pa jarlor la vi ! »

17 octob 2018, sanm Justin

Si zot I akout in pé d’moun zot la sirman romark in n’afèr : néna demoun I di é I ardi : ”I fo mi”, ”I fo mi”…Z’afèr-la I rovien toultan dann z’ot konvèrsasyon. Si tèlman ou lé a d’mandé si lo moun néna in bonpé travaye an rotar. Sansa ou I pé domandé si néna in moun po obliz ali fé tout z’afèr li di li néna pou fé é mèm ou i pé d’mandé si lo moun la pa la pèrsone èl mèm apré donn aèl in takon zafèr pou fé. I fo mi kui manzé pou domin, i fo mi pass lankostik dann salon, i fo mi balèye tèl androi, i fo mi pass la méri, i fo mi sa pèye mon mityèl… Asé ”ifomi” ou i shof la tèt toulmoun avèk out program sirsarzé. An pliské sa, kan ou I artrouv ali, in n’ot foi, li néna ankor in shapit pou li résité. Ou i èmré di ali, son shapit zobligasyon ? La pa avèk sa i ranpli jarlor d’ la vi. Alé ! Mi lèss azot rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus