Oté

« I fo ni bate tanbour pou sa »

In kozman pou la rout

Justin / 4 octob 2019

JPEG - 43.6 ko

Mésyé, médam, la sosyété : koz avèk moin sé koz èk in kouyon-sé o py é d’lo mir k’i oi lo mason. A ! Bata tanbor, zot i rapèl, dann tan gard shanète téi bate tanbour in pé partou pou abnons bann nouvèl kisoi bon nouvèl, kisoi sak lé mové. Moin la antann dir fitintan téi bate tanbour pou anons siklone. Mi rapèl l’avé in shanté yté i di konmsa : « bate tanbour la libèrté ! ». Si mi tronp pa sa lé dann shanté « komandèr »-Pierrot Vidot la shante sa é Albany la fé lo bann parol é mi rapèl mon bann zétidyan l’aprann sa par kèr kisoi bann zétidyan rényoné, kisoi bann zétidyan bann péi étranj, émèm bann jenn fransé. I fo ni bate tanbour. Pou kosa ? Pou bann viktoir nou néna pou ranporté é néna ankor é ankor é ankor. Alé ! Mi kite azot rofléshi la dsi é ni artrouv pli d’van. Sipétadyé !