La Rénion, sé in départman, sé t’in rézion ossi, sé t’in rézion “ultra-périphérique”. Alor, pou nout dévlopman, ni amène sak ni gingn pèrsonèl, bann komine, lo départman, la rézion-Réunion, pou mète nout bann prozé anlèr. Souvan dé foi, sa i sifi pa, alor ni domann l’État pou ède anou, épi l’Érop ossi. Konm sa, ni vien a bou prépar lo dévlopman nout péi. Ni pé dir, nou na lanbision pou li, mé lé bien in nafèr konmsa !

Dopi in bout tan, nana konm in malèz, konm in mouvman movèz volonté : i arsanm, pou moin, l’État i broute in pé pou mète ansanm avèk nou. Lavé so késtionnn voiyaz par avion pou bannn famiy, zordi nana so késtionn mobilité pou bann zènn alé déor pou fé zétid, an avoir in bon kalifikassion, épi in bon boulo. Nana d’ot é d’ot ankor...

Gouvèrnman i ral déyèr, i arsanm li vé tinn nout solèy, tinn léspoir nout zénèss. Alor, si ni pé pi kont déssi l’État konm i fodré, si li rod fione anou, kossa i fo fé ? Débrouy anou par nou-mèm, pou travay ansanm d’ot péi ? I fo klèrsi lé shoz ! Fransh vérité.

Justin