Oté

« I fo ou l’apré noiyé pou aprann najé ! »

In kozman pou la rout

Justin / 2 juin 2018

JPEG - 43.6 ko

Kozman la lé drol pars mi koné inn i di zis lo kontrèr. Nou va oir ali d’anéstan. Pou l’moman alon rogard sak nou la ramasé. Kosa li vé dir ozis ? Pou moin li vé dir si ou la pa dann in ka kritik ou i bouj pa . Ou i fé pa sak ou néna pou fèr lé présé. Moin pèrsonèl sé dèrnyé moman si moin na pou fèr in n’afèr mi fé. Sof si mi obliy ! Avan l’èr la pa l’èr, apré l’èr la pi l’èr… Mé konm moin la di azot, néna désèrtin kozman i di zis lo kontrèr.I di : « La pa kan ou l’apré noiyé i fo aprann najé ! ». Zot i konpran bien la diférans rant inn é l’ot. Alé ! Mi lèss azot rofléshi la dsi éni artrouv pli d’van. Sipétadyé !