Mésyé, Médam, La Sosyété, koz èk moin sé koz avèk in kouyon-sé o pyé d’lo mir k’i oi lo mason. Kozman-la, sa in kozman l’afrik é sa lé osi valab k’in moun i asiz dsi in bransh pou koup ali avèk in si, si tèlman li lé riskab gingn boubou kan lo bransh i tonm. An touléka lé vré si ou i mézir la otèr d’lo avèk out dé zanm, ou lé kapab anfons dann lo si lé in pé kré olèrk tat-taté avèk in zanm épi konmsa ou i pran pa in riské initil . Mé konm sé in provèrb, mi sipoz sa i vé dir fé antansyon pa fé bann zèss riské san pran prékosyon pars lé posib i ariv aou in malèr. Alé ! Mi kite azot rofléshi la dsi é ni artrouv pli d’van. Sipétadyé !