Kalkil mantèr : sa in n’afèr sèryé sa. Dann rolijyon katolik la pa inn an parmi lo sète péshé kapital mé mi sipoz sa la pa in n’afèr bien vi. Mon famiy téi vé pa moin té i fé lo métyé l’avoka pars téi di : « Sa in métyé demoun mantèr ! ». Dann désèrtin péi konm l’amérik épi l’anglétèr, si in prézidan i manti lé riskab déstityé ali. Dan La frans lo przidan i pé z’ète mantèr konm in rashèr d’dan li ris pa arien. Dann la zistis bann z’anglé lé défandi mantir, mé dann la zistis fransèz sa lé bien pèrmi, pars i paré ou lé pa sansé di in n’afèr i pé fé kondane aou. Tout fason, sharjèr d’lo sa sé in léspès lé pa rar dann tout péi, é si mi kroi mon l’éspèryans isi La Rényon sé in l’éspès la pa an voi d’disparisyon. Alé ! Mi lèss azot rofléshi la dsi é ni artrouv pli d’van sipétadyé.