Oté

« I fo viv avèk son tan »

In kozman pou la rout

Justin / 26 désanm 2017

JPEG - 43.6 ko

Si ou i di in kozman konmsa a la vol, san kalkilé pou vréman, ou i pé dir sa in bon kozman. Pars, fransh vérité, lé pa bon viv dann tan yèr é pli pir dann tan avantyèr. Lé vré, la vi la shanjé, demoun la fine évolyé donk viv avèk son tan, i pé dir sa in bon règ do vi. Solman a bien kalkilé, kan ou i di sa in promyé késtyon ou i doi poz aou sé « Koman lontan la vi lété ? ». Pou konète si lété vréman konm ou i kroi. Si la pa konm ou i kroi i fo ou i réfléshi in pé dsi lo kozman nou la mark an o la. I pé dir galman nana bann vérité vré yèr, lé ankor vré zordi, épi sar vré domin. Mi sava pa ékri in liv la dsi, mé mi souète, pou zot konm pou toulmoun, avan di in n’afèr, tourn sète foi son lang dann son boush. Alé ! Mi lèss azot kass z’ot koko la dsi é ni artrouv pli d’van sipétadyé.