Médame, zé méssyé, la sossyété koz èk mwin sé koz èk in kouyon, mé s é o pyé d’lo mir k’i oi lo vré masson.

Mézami zot i koné kozman i di konmsa, i fo zamé romète pou landmin sak wi pé fé lo zour mèm. I paré sa sé lo vré provèrb é l’ote i diré sé in kassaz lé kui. Mi rapèl dann tan Lissé, l’avé in proféssèr kassèr lé kui é li l’avé in paké provèrb li téi gaskone konmsa. Pou fé ri é sa téi anpèsh pa li kol aou in zéro kalbass.

Antouléka, nou té abityé avèk li é kan li té di anou son kozman nou té sir nou lété an fote. Mé sa téi anpèsh pa nou arkomanssé. Marmaye lé konmsa.Alor mi konsèye azot bien rofléshi épizapré zot i fé konm zot i vé.

Alé ! Ni artrouv pli d’van. Sipétadyé.