Koz èk moin sé koz èk in kouyon, mé sé o pyé d’lo mir k’i oi lo bon mason. Mézami, mi pans zot i koné kosa kozman moin la mark an-o la, i vé dir : sa i vé dir, in bon zoutiy sé in zoutiy i ansèrv pou fé in n’afèr, mé in zoutiy kasé i gingn pa fé arien ansanm. Sa lé bien vré ! Mé dann kèl ka i di kozman-la pars sa i fé pa plézir kan in moun i di aou sa. Sa i vé dir ou lé v yé zé, ou lé pi dann la modèrnité, ou i vo pi di arien dann l’itilité. La pa k’lé vré, mé sé kékshoz i fé mal. Mé antansyon : i paré laba Madégaskar, bann mékanisien i fé mirak pou répar loto avèk dé foi arien konm zoutiy. An kontrèr avèk zoutiy modèrn mové mékanisien i gingn pa répar arien. Laba dann Moris, moin la vi dann bazar demoun aranz soulyé alé oir isi la voiri i rofiz. Alé ! Mi kite azot rofléshi la dsi é ni artrouv pli d’van. Sipétadyé.