Mézami, mi panss zot i koné kozman-la : dabor pars li lé bien koni, épi pars bann léktèr Témoignages lé bien vèrssé dann la lang kréol rényoné. Konm toute lang li néna son bann koté popilèr é ni pé apèl sa la kiltir popilèr avèk son bann patoi, son bann kozman, son zoli manyèr pou prézante lé shoz.

Konm toulmoune sé sak mi yèm sirtou ké mi koné sé zénérassion apré zénérassion ké lo pèp la pass lo rolé é sète-la lé bien gayar pars lé bien vré si wi yèm rogarde in n’afèr é ké wi trouv ali zoli momandoné siréssèrtin wi èm sa.

Kissoi in zoli moune, kissoi in zoli zardin, kissoi ankor in zoli loto in gayar plante é sa lé fatal : opliss wi rogarde ali opliss wi vien amouré. Noute déstin lé fé konmsa.

Alé ! Mi kite azot rofléshi la dsi é ni rotrouv pli d’van, sipétadyé.

Justin