Mi pans néna plizyèr provèrb lé raproshann sète lé marké an-o la. I pé dir par égzanp : « La pa pars i done aou in plas pou rakokiyé ké ou i doi alonz la zanm. »

Sansa ankor : « i done aou in pyé, ou i pran in karo. ». Nou v’arète la pou arvni dsi nout promyé kozman. Pou di sinploman :la bonté sé inn, l’obligasyon sé in n’ot-la bonté sé in shoi, l’obligasyon in dovoir.

Mi yèm bien , pou mon par, demoun bon-zantiy si zot i vé ;mé mi yèm pa demoun tro bon, sak i san konmsi zot lé oblizé pou doné mèm si zot na poin, zot mèm, pli ki an fo.

I di pa : tro bon, sé tro k.. .é sa sé in vérité vré k’i donn anou l’okazyon pou rofléshi dsi sak ni fé –Dsi sak ni apèl nout zénérozité é la plipar d’tan moin lé sir in pé v’apèl sa :la féblèss dann karaktèr.Alé !

Mi kite azot rofléshi pou d’bon é ni artrouv pli d‘van.
Sipétadyé !