Pandan é apré bèzman la ravaz bann banlié la Frans, la pa arète basine anou èk bann zétranzé “klandèstin”, zimigré “ilégo” té fou soidizan la pagay partou.
Mé dési tousa bann zèn la polis’ la trapé, konbien - parske pa Fransé - la finalman été ékspilzé ? !

Ziskisi ni koné pa é, monlavi, la pa le minis lintérièr l’UMP pou fé konèt anou shif-la in zour. Parlfèt, sé avantou in problèm rant Fransé é Fransé. Fransé pa ditou si lo mèm pié légalité, forséman ! !

Méyièr prèv : ala le promié minis’, Dominique Villepin, i propoz la kréasion in “l’Agence pour l’égalité sociale” pou règ tousa problèm banlié. Aparaman, légalité la pa in nafèr i koul de sours’ dann le péi na pou deviz “Liberté , Égalité, Fraternité” ! ! !

Justin