Mésyé, médam, la sosyété, zot i koné provèrb fransé la.Dann lo provèrb lo vèrb kour i vé dir trap konm dann la shass a courre.l Ou i pé séyé, mé pou gagné sa sé in n’ot afèr sirtou si inn i kour dann in sans é l’ot dann in n’ot, si inn konm l’ot i fé zig zag in pé partou dan la savane. Momandoné ou lé kapab rononsé...Néna in provèrb l’Afrik i di konmsa.

« Fransh vérité,i pé pa taye la lène dë mouton an mèm tan, néna inn lé riskab mord aou »...é sa lé bien vré.Dabor lé difisil épi lé danzéré. Mé vik nou néna afèr in provèrb, i fo ni pran in pé la distans par rapor lo sans prop :ni pé di, si ou i sèye réisi dë zafèr an mèm tan, ou i diviz out fors, ou i diviz out latansyon an mèm tan.Donk sé pou sa lo kozman i di aou sèye trap in l’obzéktif, in sèl pars konmsa ou nora la shans réisi.

Alé ! Mi kite azot rofléshi la dsi é ni artrouv pli d’van. Sipétadyé !