Oté

« I maryé pa solman pou mète lo pyé dsou la tab »

In kozman pou la rout

Justin / 4 novanm 2019

JPEG - 43.6 ko

Médam, Mésyé, La Sosyété, koz èk moin sé koz èk in kouyon - sé o pyé d’lo mir k’i oi lo mason. Mi pans zot i koné kosa i vé dir mète lo pyé sou la tab é moin lé mèm sir shé zot zot la fine antann dir dé shoz konmsa, sansa pé s’fèr, zot mèm, zot la fine dir dé shoz konmsa. Mon Dyé Ségnèr shien mèg si mi diré azot konbien foi moin la fine antann sa, pétète zot i pansré mi abiz. An touléka, sak i maryé sansa sak la fine maryé mi pans i fo zot lé dsi zot gard - mèm si zot lé pa maryé é si zot lé solman amayé-kan zot va lir kozman marké an-o la. Maryaz la pa badinaz konm provèrb rényoné i di pars badiné oui, mé lo rèstan. Alé ! Mi kite azot rofléshi la dsi é ni artrouv pli d’van. Sipétadyé !