I sobatkoz po la sians. Sétaki i roul langaz po la proz, mé i oubli propoz. Sétaki i zir tout sa bann, i mazine pa èt tann. A ! i sobatkoz po la plass. Roi la Franss, ousansa Rèn do bèr ? Bann fransé, anou ansanm, i tard pa po désid kisa i sar prann la plass lo Jak.

Ziss po dir, nana in takon larlik po bann DOM. An-tou-ka, di pa « je vous ai compris », di aou « la fé ». La n’ankor po margongn èk somaz, lozman, la santé, é konsor. Nana po dégom bann trikmardaz i pèz si la tèt bann zènzan. E mi koz pa bann lariaz i blok bann banlié. Mi koz pa non-pli tout bann problèm po bann gramoun. O ! nana po fé. I sifi arpa banna i mèt la proz po la poz. Là, i fo n’i vèy. Justin ansanm.

Justin