Médame, méssyé, La sosyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami, la pa bézoin an avoir gro-gro diplôme pou konprann provèrb-la. Sanss prop si wi mète toute oute zèf dann in sèl panyé é ké lo panyé i tonbe atèr toute i kass… Mi rapèl in n’ afèr dann tan mwin lété in jenn marmaye : mi souvien k’in zour in vyé madame té apré kass douz zèf pou fé in gato. El i kass inn, épi dé, épi troi… épi onz é toute lé bon. Mé oila, douzyèm lé gaté é i gate lo total. I arsanm bien noute provèrb non ?

Mé si ni vé in sanss pli zénéral, in sanss figuiré ébin ni konpran bien i fo bien kalkil lo risk ni pran é lo méyèr manyèr pou sorte gagnan dann in n’afèr.

Alé ! mi kite azot rofléshi la dsi é ni artrouv pli d’van. Sipétadyé.